இங்கிலாந்து டெஸ்ட் தொடருக்கான நியூசிலாந்து அணி அறிவிப்பு: பெர்குசனுக்கு வாய்ப்பு

இங்கிலாந்து கிரிக்கெட் அணி நியூசிலாந்தில் சுற்றுப் பயணம் செய்து விளையாடி வருகிறது. இரு அணிகள் மோதிய டி20 போட்டி தொடரை இங்கிலாந்து 3-2 என்ற கணக்கில் கைப்பற்றியது. அடுத்து 2 டெஸ்ட் போட்டிகளில் விளையாடுகின்றன. முதல் டெஸ்ட் வருகிற 21-ந் தேதி தொடங்குகிறது.

இதற்கான 15 பேர் கொண்ட நியூசிலாந்து அணி அறிவிக்கப்பட்டுள்ளது. இடுப்பு காயத்தில் இருந்து குணமடைந்துள்ள கேப்டன் கேன் வில்லியம்சன் அணிக்கு திரும்பி உள்ளார். வேகப்பந்து வீச்சாளர் லூக்கி பெர்குசன் முதல் முறையாக டெஸ்ட் அணியில் இடம் பிடித்து உள்ளார்.

நியூசிலாந்து அணி விவரம் வருமாறு:-

வில்லியம்சன் (கேப்டன்), ஜீத் ராவல், டாம் லாதம், ராஸ் டெய்லர், ஹென்ரி நிக்கோலஸ், வாட்லிங், கிராண்ட் ஹோம், சான்ட்னெர், டாட் ஆஸ்லே, டாம் ப்ளெண்டெல், போல்ட், மெட் ஹென்ரி, டிம் சவுத்தி, நீல் வாக்னர், லூக்கி பெர்குசன்.