இந்தியா - தென்ஆப்பிரிக்கா அணிகளுக்கு இடையிலான 3-வது மற்றும் கடைசி டெஸ்ட் ஜார்க்கண்ட் மாநிலத்தில் உள்ள ராஞ்சியில் அமைந்துள்ள ஸ்வாங்க் மைதானத்தில் நடக்கிறது. முதன்முதலாக 2017-ல் இந்தியா- ஆஸ்திரேலியா அணிகளுக்கு இடையிலான டெஸ்ட் போட்டி இங்கு நடைபெற்றது.
அதன்பின் தற்போது 2-வது டெஸ்ட் நடைபெற இருக்கிறது. இந்த டெஸ்ட் போட்டியை காண அதிக அளவில் ரசிகர்கள் மைதானத்திற்கு திரள்வார்கள் என்று எதிர்பார்க்கப்பட்ட நிலையில் நேற்று வரை 1500 டிக்கெட்டுக்கள் மட்டுமே விற்பனையாகியுள்ளதாக ஜார்க்கண்ட் கிரிக்கெட் சங்கம் தெரிவித்துள்ளார்.
டிக்கெட்டின் விலை ரூ. 200-ல் இருந்து ரூ. 2000 வரையும், சீசன் டிக்கெட் 1000 ரூபாயாகவும் நிர்ணயிக்கப்பட்டுள்ளது. ராணுவம் மற்றும் போலீசார்களுக்கு ஐந்தாயிரம் டிக்கெட்டுக்கள் இலவசமாக வழங்க இருப்பதாக தெரிவிக்கப்பட்டுள்ளது.
சமீப காலமாகவே டெஸ்ட் கிரிக்கெட் போட்டிக்கான ரசிகர்களின் ஆதரவு குறைந்து வருவதை இந்த புள்ளிவிவரம் தெளிவுப்படுத்தியுள்ளது.
