வெஸ்ட் இண்டீஸ் - இங்கிலாந்து இடையிலான கடைசி டெஸ்ட் நாளை தொடக்கம்

இங்கிலாந்து கிரிக்கெட் அணி வெஸ்ட் இண்டீஸில் சுற்றுப் பயணம் செய்து விளையாடி வருகிறது. 3 போட்டி கொண்ட டெஸ்ட் தொடரில் முதல் இரண்டு போட்டியிலும் வெஸ்ட் இண்டீஸ் வெற்றி பெற்று தொடரை கைப்பற்றி விட்டது. இரு அணிகள் மோதும் 3-வது மற்றும் கடைசி டெஸ்ட் போட்டி நாளை செயின்ட் லூசியாவில் உள்ள கிராஸ் ஐலெட்டில் தொடங்குகிறது.

இந்த டெஸ்டிலும் வென்று இங்கிலாந்தை ஒயிட்வாஷ் செய்யும் முனைப்பில் வெஸ்ட் இண்டீஸ் உள்ளது. கேப்டன் ஹோல்டருக்கு ஒரு போட்டியில் விளையாட தடை விதிக்கப்பட்டிருப்பது அந்த அணிக்கு பின்னடைவை ஏற்படுத்தியுள்ளது. என்றாலும் பிராத்வைட், ஷாய் ஹோப், ஹெட்மையர், டவ்ரிச் பேட்டிங்கிலும், ரோச், கேப்ரியல், ஜோசப் பந்து வீச்சிலும் நல்ல நிலையில் உள்ளனர்.

தொடரை இழந்துவிட்ட இங்கிலாந்து ஆறுதல் வெற்றிக்காக போராடும். தொடரை முழுமையாக இழக்காமல் இருக்க இங்கிலாந்து வீரர்கள் முழு திறமையை வெளிப்படுத்துவது அவசியம்.