பால் போக்பாவை எப்போதுமே பார்சிலோனா வரவேற்கும்- லூயிஸ் சுவாரஸ்

பிரான்ஸ் கால்பந்து அணியின் முன்னணி வீரர் பால் போக்பா. 25 வயதாகும் அட்டக்கிங் மிட்பீல்டரான போக்பா கடந்த 2016-ம் ஆண்டு யுவான்டஸ் அணியில் இருந்து மான்செஸ்டர் யுனைடெட் அணிக்கு டிரான்ஸ்பர் ஆனார். மிகப்பெரிய தொகைக்கு (105 மில்லியன் யூரோ) போக்பாவை மான்செஸ்டர் யுனைடெட் வாங்கியது.

ஆனால் அணியின் தலைமை பயிற்சியாளரான ரோஸ் மவுரினோவிற்கும், போக்பாவிற்கும் இடையே மோதல் ஏற்பட்டது. இந்த மோதல் இன்னும் முடிந்த பாடில்லை. இதனால் போக்பா மான்செஸ்டர் யுனைடெட் அணியில் இருந்து விலகி பார்சிலோனா அல்லது ரியல் மாட்ரிட் அணியில் சேரலாம் என்ற வதந்தி பரவிக் கொண்டே வருகிறது.



இந்நிலையில் பார்சிலோனா அணியின் முன்னணி வீரர்களில் ஒருவரான லூயிஸ் சுவாரஸ், பால் போக்பாவை எப்போதுமே பார்சிலோன வரவேற்கிறது என்று தெரிவித்துள்ளார்.