இலங்கை அணியின் முன்னணி வேகப்பந்து வீச்சாளராக திகழ்ந்தவர் லஷித் மலிங்கா. தனது திறமையான யார்க்கர் பந்தால் எதிரணி பேட்ஸ்மேன்களை திணறடித்தவர். ஹேர்ஸ்டைலை வித்தியாசமாக வைத்திருப்பார். இவரது ஹேர்ஸ்டைல் கிரிக்கெட் ரசிகர்களுக்கு வித்தியாசமானதாக தோன்றும். மலிங்கா என்றாலே யார்க்கர், ஹேர்ஸ்டைல் ஞாபகத்திற்கு வரும்.
30 டெஸ்ட், 204 ஒருநாள் மற்றும் 68 டி20 போட்டிகளில் விளையாடியுள்ள லசித் மலிங்காவிற்கு இன்றுடன் 35 வயது நிறைவடைந்துள்ளது. இன்று 36-வது வயதிற்குள் அடியெடுத்து வைத்துள்ளார்.
அவருக்கு கிரிக்கெட் வீரர்கள் பிறந்த நாள் வாழ்த்துக்கள் தெரிவித்து வருகின்றனர். இந்நிலையில் சச்சின் தெண்டுல்கர் டுவிட்டர் மூலம் வாழ்த்து தெரிவித்துள்ளார். அதில் ‘‘நான் மலிங்காவிற்கு எதிராக பேட்டிங் செய்ய களம் இறங்கும்போது அவரது ஹேர்ஸ்டைலை பார்க்க மாட்டேன், அவர் வீசும் பாந்தைதான் பார்ப்பேன். என்னுடைய நண்பருக்கு பிறந்த நாள் வாழ்த்துக்கள்’’ என்று பதிவிட்டுள்ளார்.
