ஐசிசி உலக லெவன் அணியில் அப்ரிடி விளையாடுகிறார்

மூட்டு வலி காரணமாக ஐசிசி உலக லெவன் அணியில் விளையாட முடியாது என்று அறிவித்த அப்ரிடி, தற்போது விளையாடுவதாக தெரிவித்துள்ளார்.

வெஸ்ட் இண்டீஸ் - ஐசிசி உலக லெவன் அணிகளுக்கு இடையிலான ஒரேயொரு டி20 கிரிக்கெட் வருகிற 31-ந்தேதி லண்டன் லார்ட்ஸ் மைதானத்தில் நடைபெற இருக்கிறது. இதில் வெஸ்ட் இண்டீஸ் அணிக்கெதிராக உலக லெவனில் ஹர்திக் பாண்டியா, தினேஷ் கார்த்திக் உள்பட பலர் பங்கேற்கிறார்கள்.



பாகிஸ்தான் அணியின் முன்னாள் அதிரடி வீரர் ஷாகித் அப்ரிடி உலக லெவன் அணிக்காக விளையாடுவார் என்று அறிவிக்கப்பட்டிருந்தது. ஆனால், கால் மூட்டில் ஏற்பட்ட காயம் காரணமாக உலக லெவன் அணியில் இடம்பெற முடியாத நிலை ஏற்பட்டுள்ளது என்று தெரிவித்திருந்தார்.

இந்நிலையில் உலக லெவன் அணியில் விளையாடுவேன் என்று அப்ரிடி தெரிவித்துள்ளார்.