பிரெஞ்ச் ஓபனில் இருந்து மிலோஸ் ரயோனிக் விலகல்

கிராண்ட் ஸ்லாம் டென்னிஸ் தொடரில் ஒன்றான பிரெஞ்ச் ஓபன் அடுத்த வாரம் 27-ந்தேதி தொடங்கி ஜூன் 10-ந்தேதி வரை நடைபெறுகிறது. இந்த தொடரில் முன்னணி வீரர்கள் மற்றும் வீராங்கனைகள் பங்கேற்கிறார்கள். இன்றிலிருந்து தகுதிச் சுற்று நடைபெற்று வருகிறது.



இந்நிலையில் முன்னாள் நம்பர் 3 வீரரான மிலோஸ் ரயோனிக் முழங்கால் காயத்தால் தொடரில் இருந்து விலகியுள்ளார். இந்த மாதம் தொடக்கத்தில் மாட்ரிட் ஓபன் நடைபெற்றது. அப்போது டெனிஸ் ஷபோவாலோவிற்கு எதிரான ஆட்டத்தில் தோல்வியடைந்தார். அதில் இருந்து ரயோனிக் விளையாடவில்லை. ரயோனிக் 2014 பிரெஞ்ச் ஓபனில் காலிறுதி வரை முன்னேறினார் என்பது குறிப்பிடத்தக்கது.