ஹேமில்டன் டெஸ்ட்: பாகிஸ்தான் அணி 216 ரன்னில் ஆல்அவுட்

ஹோமில்டன்:

நியூசிலாந்து- பாகிஸ்தான் அணிகள் மோதும் 2-வது மற்றும் கடைசி டெஸ்ட் போட்டி ஹேமில்டனில் நடைபெற்று வருகிறது.

நியூசிலாந்து முதல் இன்னிங்சில் 271 ரன்னில் ஆல் அவுட் ஆனது. பின்னர் முதல் இன்னிங்சை விளையாடிய பாகிஸ்தான் நேற்றைய 2-வது நாள் ஆட்ட நேர முடிவில் 5 விக்கெட் இழப்புக்கு 76 ரன் எடுத்திருந்தது.

இன்று 3-வது நாள் ஆட்டம் நடந்தது. தொடர்ந்து விளையாடிய பாகிஸ்தான் 67 ஓவர்களில் 216 ரன்னில் ஆல்அவுட் ஆனது. இது நியூசிலாந்து அணியின் ஸ்கோரை விட 55 ரன் குறைவாகும். 3-வது வீரராக ஆடிய பாபர் ஆசம் 90 ரன் எடுத்து கடைசி வரை ஆட்டம் இழக்காமல் இருந்தார். சவுத்தி 80 ரன் கொடுத்து 6 விக்கெட் கைப்பற்றினார். வாக்னருக்கு 3 விக்கெட் கிடைத்தது.

55 ரன்கள் முன்னிலையில் நியூசிலாந்து அணி 2-வது இன்னிங்சை விளையாடியது. மழையால் ஆட்டம் பாதிக்கப்பட்டது. அதோடு இன்றைய ஆட்டம் முடிந்தது.