மார்ச் மாதத்தில் ரூ.1 லட்சத்து 96 ஆயிரம் கோடி ஜி.எஸ்.டி. வசூல்

புதுடெல்லி:

கடந்த மார்ச் மாதத்தில் மொத்த ஜி.எஸ்.டி. வசூல் ரூ.1 லட்சத்து 96 ஆயிரம் கோடி ஆகும். இது, கடந்த ஆண்டு மார்ச் மாதத்துடன் ஒப்பிடுகையில் 9.9 சதவீதம் அதிகம் என்று மத்திய அரசு வட்டாரங்கள் தெரிவித்தன.

கடந்த ஆண்டு ஏப்ரல் மாதம் கிடைத்த ரூ.2 லட்சத்து 10 ஆயிரம் கோடிதான், இதுவரை கிடைத்த அதிகபட்ச வசூலாக இருந்தது. அதையடுத்து, 2-வது அதிகபட்ச வசூல் இதுவே ஆகும்.