என் மலர்![tooltip icon](/images/info-tooltip.svg)
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
![சடங்கு என பெண்ணுறுப்பை சிதைக்கும் கொடூரம் - வழக்கு விசாரணை ஒத்திவைப்பு சடங்கு என பெண்ணுறுப்பை சிதைக்கும் கொடூரம் - வழக்கு விசாரணை ஒத்திவைப்பு](https://img.maalaimalar.com/Articles/2018/Aug/201808091627395924_Supreme-Court-adjourns-hearing-in-Female-Genital-Mutilation_SECVPF.gif)
X
சடங்கு என பெண்ணுறுப்பை சிதைக்கும் கொடூரம் - வழக்கு விசாரணை ஒத்திவைப்பு
By
மாலை மலர்9 Aug 2018 10:57 AM GMT (Updated: 9 Aug 2018 10:57 AM GMT)
![மாலை மலர் மாலை மலர்](/images/authorplaceholder.jpg?type=1&v=2)
சடங்கு எனும் பெயரில் சிறுமிகளின் பெண்ணுறுப்பை சிதைக்கும் கொடூரத்தை தடை விதிக்கக்கோரி சுப்ரீம் கோர்ட்டில் தாக்கல் செய்யப்பட்ட மனு மீதான விசாரணை 20-ம் தேதிக்கு ஒத்திவைக்கப்பட்டுள்ளது.
புதுடெல்லி:
ஆப்ரிக்க நாடுகள் உள்ளிட்ட 20-க்கும் மேற்பட்ட நாடுகளில் சிறுமிகளுக்கு பெண்ணுறுப்பு சிதைப்பு செய்யும் சடங்கு சில இனக் குழுவினரால் கடைபிடிக்கப்பட்டு வருகிறது. இந்தியாவிலும், தாவூதி, போஹ்ரா போன்ற சமூகத்தில் இந்த சடங்கு பின்பற்றப்படுகிறது.
பெண்ணுறுப்பில் உள்ள ஒரு நரம்பை அறுத்து தைக்கும் இந்த பழமைவாத சடங்கிற்கு முழுமையான தடை விதிக்க வேண்டும் என சுப்ரீம் கோர்ட்டில் சுனிதா திவாரி என்ற வழக்கறிஞர் மனு தாக்கல் செய்திருந்தார். போக்ஸோ சட்டத்தின் படி இந்த கொடூர சடங்கை தண்டனைக்குரிய குற்றம் என மனு தாரர் சார்பில் வாதிடப்பட்டது.
தலைமை நீதிபதி தீபக் மிஸ்ரா, நீதிபதி ஏ.எம். கான்வில்கர் மற்றும் நீதிபதி டி.ஐ.சந்திரசூட் ஆகியோர் அடங்கிய அமர்வில் கடந்த முறை விசாரணைக்கு வந்த போது, மத்திய அரசின் சார்பில் ஆஜரான தலைமை வழக்கறிஞர் கே.கே.வேணுகோபால் 'பெண்ணுறுப்பு சிதைப்பு' அமெரிக்கா, இங்கிலாந்து உள்ளிட்ட பல நாடுகளில் குற்றச்செயலாக அறிவிக்கப்பட்டுள்ளது என தெரிவித்தார்.
இதையடுத்து ஒருவர் பெண்ணுறுப்பு சிதைப்பினை செய்துகொள்ள விரும்பவில்லை எனில், அதை செய்து கொள்ளும்படி யாரும் வற்புறுத்த முடியாது என தலைமை நீதிபதி தீபக் மிஸ்ரா தெரிவித்தார். அவரைத் தொடர்ந்து பேசிய நீதிபதி சந்திரசூட் ஒரு பெண்ணின் உடலை மத அடையாளங்களுக்கு உட்படுத்துவதா? என கேள்வியெழுப்பினார். இதையடுத்து, இந்த வழக்கு ஒத்தி வைக்கப்பட்டது.
இந்நிலையில், இந்த வழக்கின் மீதான விசாரணை இன்று மீண்டும் வந்த நிலையில் வழக்கு 20-ம் தேதிக்கு ஒத்திவைத்து நீதிபதிகள் உத்தரவிட்டனர்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X
![](/images/sidekick-open.png)