தேனி:
தேனி அல்லிநகரம் வெங்கலாநகர் 3-வது தெருவைச் சேர்ந்த சொக்கலிங்கம் மனைவி மாரியம்மாள் (வயது 69). இவருக்கு கண் பார்வை சற்று பாதிக்கப்பட்டு இருந்தது.
சம்பவத்தன்று வீட்டில் விறகு அடுப்பில் சமையல் செய்து கொண்டு இருந்த போது எதிர்பாராதவிதமாக அவரது உடையில் தீ பிடித்து உடல் முழுவதும் பரவியது. இதில் பலத்த தீக்காயங்களுடன் சம்பவ இடத்திலேயே உயிரிழந்தார்.
இது குறித்து அல்லி நகரம் போலீசார் வழக்கு பதிவு செய்து விசாரணை நடத்தி வருகின்றனர்.
