வேப்பனப்பள்ளி,
கிருஷ்ணகிரி மாவட்டம், வேப்பனப்பள்ளியில் உள்ள அரசு பெண்கள் மேல்நிலைப் பள்ளியில் இலவச மிதிவண்டி வழங்கும் விழா நடைபெற்றது.
இந்த விழாவில் 11-ஆம் வகுப்பு மற்றும் 12-ம் வகுப்பு படிக்கும் மாணவிகள் 132 பேருக்கு இலவச மிதிவண்டி வேப்பனபள்ளி முன்னாள் சட்டமன்ற உறுப்பினர் முருகன் வழங்கினார்.
இந்த நிகழ்ச்சியில் தி.மு.க கிழக்கு ஒன்றிய செயலாளர் கருணாகரன், மேற்கு செயலாளர் ரகுநாத், ஊராட்சி ஒன்றியக் குழுத் தலைவர் சரோஜினி பரசுராமன், தி.மு.க. மாவட்ட பொருளாளர் ஜெயராமன், பள்ளி பெற்றோர் ஆசிரியர் கழக தலைவர் சஞ்சய், பள்ளி தலைமையாசிரியர், ஆசிரியர்கள் கலந்து கொண்டனர்.
