காட்பாடி - திருப்பதி இடையே தண்டவாளத்தில் திடீர் விரிசல்

வேலூர்:

மதுரையில் இருந்து திருப்பதி செல்லும் மீனாட்சி எக்ஸ்பிரஸ் ரெயில் இன்று காலை புறப்பட்டு சென்றது. காட்பாடி - திருப்பதி இடையே பாகாலா அருகே வந்தபோது, தண்டவாளத்தில் விரிசல் ஏற்பட்டிருப்பதை ரெயில் என்ஜின் டிரைவர் கண்டுபிடித்தார்.

உடனே சுதாரித்துக் கொண்ட டிரைவர் ரெயிலை நடுவழியில் நிறுத்தினார். இது குறித்து ரெயில்வே அதிகாரிகளுக்கு தகவல் தெரிவிக்கப்பட்டது.

தகவல் அறிந்த ஊழியர்கள் சம்பவ இடத்திற்கு விரைந்து சென்று தண்டவாள விரிசலை சரி செய்தனர்.

இதையடுத்து தண்டவாளத்தில் விரிசல் ஏற்பட்ட இடத்தில் ரெயில்கள் மெதுவாக இயக்கப்பட்டன. இதனைத் தொடர்ந்து சுமார் ஒரு மணி நேரம் தாமதமாக ரெயில் புறப்பட்டு சென்றது. துரிதமாக செயல்பட்ட ரெயில் டிரைவரை அதிகாரிகள் பாராட்டினர்.