ஜோலார்பேட்டை:
நாட்டறம்பள்ளி அடுத்த மண்டல நாயனகுண்டா பகுதியில் வசித்து வரும் குணவதி என்பவரின் வீட்டின் அருகே நீளமுள்ள சாரைப்பாம்பு புகுந்தது.
தகவலறிந்த நாட்டறம்பள்ளி தீயணைப்பு நிலைய அலுவலர் ரமேஷ் தலைமையில் தீயணைப்பு வீரர்கள் சம்பவம் இடத்திற்கு விரைந்து சென்று 8 அடி நீளமுள்ள சாரை பாம்பை பாம்பு பிடிக்கும் கருவி மூலம் பிடித்தனர்.
இதேபோல் நாட்டறம்பள்ளி அருகே நாயனசெருவு பகுதியை சேர்ந்த மகேந்திரன் என்பவரின் வீட்டின் அருகே 5 அடி நீளமுள்ள தண்ணீர் பாம்பு இருப்பதாக நாட்டறம்பள்ளி தீயணைப்பு துறையினருக்கு தகவல் தெரிவித்தனர்.
தகவலின் பேரில் சம்பவம் இடத்திற்கு விரைந்து சென்று 5 அடி நீளமுள்ள தண்ணீர் பாம்பை பிடித்து திருப்பத்தூர் வனத்துறையினரிடம் ஒப்படைத்தனர்.
