மேட்டூர் அணை நீர்மட்டம்

சேலம்:

மேட்டூர் அணையின் நீர்மட்டம் இன்று காலை நிலவரப்படி 114.14 அடியாக இருந்தது. அணைக்கு வினாடிக்கு நேற்று 10 ஆயிரத்து 706 கனஅடி தண்ணீர் வந்து கொண்டு இருந்த நிலையில் அது இன்று 10 ஆயிரத்து 642 கனஅடியாக குறைந்து காணப்பட்டது.

அணையில் இருந்து காவிரி டெல்டா பாசனத்துக்கு வினாடிக்கு 23 ஆயிரம் கனஅடியும், கிழக்கு, மேற்கு கால்வாய் பாசனத்திற்கு 700 கனஅடி தண்ணீரும் வெளியேற்றப்பட்டு வருகிறது.

அணைக்கு வரும் தண்ணீரை விட அதிகளவில் வெளியேற்றப்பட்டு வருவதால் நீர்மட்டம் வேகமாக குறைந்து வருகிறது.