மேட்டூர் அணைக்கு நீர்வரத்து 905 கன அடியாக குறைந்தது

மேட்டூர்:

காவிரி நீர்ப்பிடிப்பு பகுதிகளில் மழை இல்லாததால் ஒகேனக்கல் மற்றும் மேட்டூர் அணைக்கான நீர்வரத்து குறைவாக உள்ளது.

ஒகேனக்கல் காவிரியில் நீர்வரத்து தொடர்ந்து 1200 கன அடியாக நீடிக்கிறது.

இந்த தண்ணீர் நேராக மேட்டூர் அணைக்கு வருகிறது. நேற்று விநாடிக்கு 1,223 கன அடியாக இருந்த நீர்வரத்து இன்று சற்று குறைந்து விநாடிக்கு 905 கன அடி வீதம் தண்ணீர் அணைக்கு வந்து கொண்டிருக்கிறது.

மேட்டூர் அணையில் இருந்து குடிநீர் தேவைக்காக விநாடிக்கு 1500 கன அடி வீதம் தண்ணீர் காவிரி ஆற்றில் திறந்து விடப்பட்டு வருகிறது.

நீர்வரத்தை விட திறப்பு அதிகமாக உள்ளதால் நேற்று 103.44 அடியாக இருந்த மேட்டூர் அணையின் நீர்மட்டம் இன்று காலை 8 மணி அளவில் 103.38 அடியாக சரிந்தது.