மலைகிராமங்களுக்கு சாலைவசதி அமைத்து தர கோரிக்கை

தேன்கனிக்கோட்டை,

கிருஷ்ணகிரி மாவட்டம்,அஞ்செட்டி அருகே மஞ்சுகொண்டப்பள்ளி, பிலிக்கல் மலை கிராமங்களுக்கு சாலை வசதி செய்து தர பொதுமக்கள் கோரிக்கை வைத்தனர்.

இதனையடுத்து கிருஷ்ணகிரி மேற்கு மாவட்ட செயலாளர் பிரகாஷ் எம்.எல்.ஏ தலைமையில் தளி ஒன்றிய குழு தலைவர் சீனிவாசலுரெட்டி, மஞ்சுகொண் டப்பள்ளி ஊராட்சி தலைவர் சிவனங்கிரி, ஒன்றிய கவுன்சிலர்கள் சிவா, சண்முகப்பா உள்ளிட்ட முக்கிய பிரமுகர்கள் உள்ளாட்சிதுறை அமைச்சர் பெரியசாமியை நேரில் சந்தித்து தளி சட்டமன்ற தொகுதியில் உள்ள மலை கிராமங்களுக்கு முதலமைச்சரின் சாலை மேம்பாட்டு திட்டங்களுக்கு நிதி ஒதுக்கி சாலை வசதி செய்து தர கோரியும், குறிப்பாக அஞ்செட்டி அருகே மஞ்சுகொண்டப்பள்ளி, பிலிக்கல் கிராமங்களுக்கு சாலை வசதி செய்து தர அமைச்சரிடம் கோரிக்கை மனு அளித்தனர்.

அப்போது மஞ்சுகொண்டப்பள்ளி, பிலிக்கல் கிராமத்திற்கு சாலை வசதி செய்து தர அமைச்சர் உறுதி அளித்தார்.