ஓடும் ஆம்புலன்சில் கர்ப்பிணிக்கு பெண் குழந்தை பிறந்தது

சோளிங்கர்:

சோளிங்கரை அடுத்த கீழாண்ட மோட்டூரை சேர்ந்தவர் கோபால் (வயது 38). தொழிலாளி. இவரது மனைவி லதா (29). நிறை மாத கர்ப்பிணியாக உள்ளார்.

பிரசவ வலியால் சோளிங்கரை அடுத்த கொடைக்கல் ஆரம்ப சுகாதார நிலை யத்தில் சேர்த்துள்ளனர் . தொடர்ந்து 108 ஆம்புலன்ஸ் மூலமாக வேலூர் மருத்துவமனைக்கு பிரசவத்திற்காக கொண்டு சென்றனர்.

ஜம்புகுளம் அருகே சென்ற போது பிரசவவலி அதிகமாக இருந்ததால் ஆம்புலன்சை ஓரமாக நிறுத்தி மருத்துவ உதவியாளர் பொன்னுரங்கன் பிரசவம் பார்த்தார் . லதா வுக்கு அழகான பெண் குழந்தை பிறந்துள்ளது.

பின்னர் தாய், சேய் இருவரும் வாலாஜா அரசு மருத்துவமனையில் அனுமதிக்கப்பட்டனர்.