சொக்கம்பட்டி கூட்டுறவு கடன் சங்க பொது பேரவை கூட்டம்

கறம்பக்குடி

புதுக்கோட்டை மாவட்டம் கந்தர்வகோட்டை ஒன்றியம் டி.1684 சொக்கம்பட்டி தொடக்க வேளாண்மை கூட்டுறவு கடன் சங்கத்தின் பொது பேரவை கூட்டம் கூட்டுறவு கடன் சங்க கூட்ட அரங்கில் நடைபெற்றது.

கூட்டத்திற்கு தலைவர் முருகேசன் தலைமை தாங்கினார். சங்கத்தின் செயலாளர் குரு ஷேவ் அனைவரையும் வரவேற்று பேசினார். மேலும் நிகழ்ச்சிக்கு சங்க இயக்குனர் முத்துக்குமார் முன்னிலை வகித்தார். கூட்டத்தில் சங்கத்தின் இறந்து போன உறுப்பினர்களை நீக்கியும் புதிதாக சேர்ந்த உறுப்பினர்களை அங்கீகரித்தும் இறுதி செய்யப்பட்ட அ வகுப்பு உறுப்பினர்கள் பட்டியல் குறித்தும் மேலும் 2022 மற்றும் 2023- ம் ஆண்டுக்கான வரவு செலவுத் திட்டங்கள் செலவு குறித்தும் தீர்மானம் நிறைவேறியது.

கூட்டத்தில் சங்க இயக்குனர்கள் அ வகுப்பு உறுப்பினர்கள் மற்றும் பொதுமக்கள் திரளாக கலந்து கொண்டனர். முடிவில் துணைத் தலைவர் நன்றி கூறினார்.