கறம்பக்குடியில் தி.மு.க. தெருமுனை பிரச்சார கூட்டம்

கறம்பக்குடி,

புதுக்கோட்டை மாவட்டம் கறம்பக்குடி வடக்கு ஒன்றியம் மற்றும் நகரக் கழக சார்பில் தி.மு.க. அரசின் 2 ஆண்டு சாதனை தெருமுனைப் பிரச்சார கூட்டம் நடைபெற்றது. கூட்டத்தில் புதுக்கோட்டை மாவட்ட இளைஞரணி அமைப்பாளர் சண்முகம் வரவேற்றார். கறம்பக்குடி வடக்கு ஒன்றிய இளைஞரணி அமைப்பாளர் செல்லத்துரை, நகர இளைஞரணி அமைப்பாளர் ராசி பரூக் ஆகியோர் கூட்டத்தினை தொடங்கி வைத்து பேசினார். இந்நிகழ்ச்சியில் கறம்பக்குடி வடக்கு ஒன்றிய செயலாளரும் ஆத்மா குழு தலைவருமான மணமடை முத்துகிருஷ்ணன், கறம்பக்குடி பேரூராட்சி தலைவரும் நகர தி.மு.க. செயலாளருமான முருகேசன் ஆகியோர் முன்னிலை வைத்தனர்.

கூட்டத்தில் தலைமை கழக பேச்சாளர் தஞ்சை காமராஜ் தி.மு.க. அரசின் 2 ஆண்டு சாதனைகளை எடுத்துரைத்தார். இதில் கறம்பக்குடி ஒன்றிய பெருந்தலைவர் மாலா ராஜேந்திரதுரை, பேரூராட்சி துணைத் தலைவர் நைனா முகமது உள்ளிட்ட ஒன்றிய நகர இளைஞரணி நிர்வாகிகள் மற்றும் கழக முன்னோடிகள் திரளாக கலந்து கொண்டனர். தெருமுனைப் பிரச்சாரம் கறம்பக்குடி சீனி கடை முக்கம், கோவில் கடைவீதி, ரகுநாதபுரம் புது விடுதி ஆகிய இடங்களில் நடைபெற்றது.