பொது விநியோகத் திட்ட சிறப்பு குறைதீர்க்கும் முகாம்

கிருஷ்ணகிரி,

கிருஷ்ணகிரி மாவட்டத்தில் பொது விநியோகத் திட்டத்தில் காணப்படும் குறைபாடுகளைக் களைவதற்கும், மக்களின் குறைகளைக் கேட்டு உடனுக்குடன் அவற்றை நிவர்த்தி செய்யவும்,குடும்ப அட்டைகளில் பெயர் திருத்தம், சேர்த்தல், நீக்கல் மற்றும் முகவரி மாற்றம் போன்ற குறைபாடுகளை நிவர்த்தி செய்ய நேற்று காலை 10 மணி முதல் பிற்பகல் 1 மணி வரை ஒவ்வொரு தாலுகாவில் ஒரு கிராமத்தில் என 8 கிராமங்களில் சிறப்பு குறை தீர்க்கும் கூட்டம் நடைபெற்றது.அதன்படி, கிருஷ்ணகிரி தாலுகாவில்

மேகலசின்னம்பள்ளி ஊராட்சிக்குட்பட்ட கோதிகுட்லப்பள்ளி கிராமத்தில் பொது விநியோக திட்ட சிறப்பு குறை தீர்க்கும் முகாமிற்கு குடிமை பொருள் வட்ட வழங்கல் வட்டாட்சியர் ரமேஷ் தலைமை தாங்கினார்.

வருவாய் ஆய்வாளர்கள் சத்தீஷ், கண்ணன் ஆகியோர் முன்னிலை வகித்தனர். இதில் சிறப்பு அழைப்பாளர்களாக ஊராட்சி மன்ற தலைவர்கள் மோகன், ரமேஷ், கவுன்சிலர் சங்கீதா சரவணன், தொடக்க வேளாண்மை கூடுறவு சங்க துணைத்தலைவர் கோவிந்தராஜ், ஊர்கவுண்டர் சுப்பிரமணி, விற்பனையாளர் சரவணன் உள்ளிட்டோர் கலந்துகொண்டு அந்தப் பகுதியில் மக்களின் ரேஷன் கார்டில் புதியதாக உறுப்பினர் சேர்க்கை, உறுப்பினர் நீக்கம், தொலைபேசி எண், முகவரி மாற்றம் உள்ளிட்ட குறைகளை உடனுக்குடன் நிவர்த்தி செய்தனர்.