மத்தூர்,
தருமபுரி மாவட்டம், இருமத்தூர் ஐ.வி.எல். மெட்ரிக் மேல்நிலைப்பள்ளி மாணவ, மாணவிகள் 2022-2023-ம் ஆண்டு பிளஸ்-2 பொதுத் தேர்வில் 100 சதவீதம் தேர்ச்சி பெற்று சாதனை படைத்துள்ளனர்.
இந்த பள்ளியில் படித்த சென்னகேசவன் என்ற மாணவர் 600 மதிப்பெண்களுக்கு 587 மதிப்பெண்கள் பெற்று பள்ளியில் முதலிடமும், அறிவுக்கரசி என்ற மாணவி 581 மதிப்பெண்கள் பெற்று பள்ளியில் 2-ம் இடமும், மாணவர் பிரத்திஷ் 580 மதிப்பெண்கள் பெற்று பள்ளியில் 3-ம் இடமும் பிடித்துள்ளனர்.
மேலும் பள்ளியில் 580 மதிப்பெண்களுக்கு மேல் 3 மாணவர்களும் 550 மதிப்பெண்களுக்கு மேல் 14 மாணவர்களும் 500 மதிப்பெண்களுக்கு மேல் 47 மாணவர்களும் 450 மதிப்பெண்களுக்கு மேல் 55 மாணவர்களும் பெற்றுள்ளனர்.
பள்ளியில் தேர்வு எழுதிய அனைத்து மாணவர்களும் தேர்ச்சி பெற்ற மாணவர்களை பள்ளியின் தலைவரும், தாளாளருமான கோவிந்தராஜ், பொருளாளர் விஜயலட்சுமி கோவிந்தராஜ், செயலாளர் ஜெயந்தி வெங்கடேசன், முதல்வர் சண்முகவேல், துணை முதல்வர் அசோக் மற்றும் ஆசிரியர்கள், பெற்றோர்கள் பாராட்டினார்கள்.
