தேவதானப்பட்டி அருகே ஊராட்சி அலுவலகத்தில் பைப்புகள் திருட்டு

தேவதானப்பட்டி:

தேவதானப்பட்டி அருகே டி.வாடிப்பட்டியை சேர்ந்தவர் தங்கராஜ் (வயது70). இவர் ஊராட்சி மன்ற தலைவராக உள்ளார். அலுவலகம் அருகே இரும்பு குடிநீர் பைப்புகள் வைக்கப்பட்டிருந்தது.

சம்பவத்தன்று அதனை சரிபார்த்தபோது 20 பைப்புகள் மாயமாகி இருந்தன. மர்ம நபர்கள் இதனை திருடிச் சென்றனரா? என தெரிய வில்லை. இது குறித்து தேவதானப்பட்டி போலீசில் அளித்த புகாரின் பேரில் போலீசார் வழக்குப்பதிவு செய்து விசாரித்து வருகின்றனர்.