ஊத்தங்கரை,
கிருஷ்ணகிரி மாவட்டம், கல்லாவி அருகே உள்ள சாலமரத்துப்பட்டியை சேர்ந்தவர் ஜனார்த்தனன். இவரது மனைவி சுகன்யா (வயது 33). கணவன் - மனைவி இடையே குடும்ப தகராறு இருந்து வந்தது. இதனால் கடந்த 4 மாதங்களுக்கு முன்பு சுகன்யா தனது பெற்றோர் வீட்டிற்கு சென்று விட்டார்.
இந்த நிலையில் கடந்த 16-ந் தேதி சுகன்யா தனது கணவர் வீட்டிற்கு வந்தார். அந்த நேரம் அவரது கணவர் ஜனார்த்தனன், நண்பர்கள் கங்கன் (50), முருகேசன் ஆகியோர் சுகன்யாவை தாக்கினார்கள். மேலும் சுகன்யாவின் கழுத்தில் இருந்த 7 பவுன் தங்க சங்கிலியை பறித்ததாக கூறப்படுகிறது. இது குறித்து சுகன்யா கல்லாவி போலீசில் புகார் செய்தார். அதன் பேரில் போலிசார் விசாரணை நடத்தி வருகிறார்கள்.
