ராகவேந்திர சாமி கோவில் கும்பாபிஷேக விழா

கிருஷ்ணகிரி,

கிருஷ்ணகிரி பழையபேட்டை ஸ்ரீசீதாராம வீர ஆஞ்சநேய சமேத ஸ்ரீராகவேந்திர சாமி கோவில் மகா கும்பாபிஷேக விழா நேற்று நடந்தது. இதையொட்டி நேற்று முன்தினம் காலை, 9 மணிக்கு மகா கணபதி ஹோமம், நவகிரக ஹோமம், வாஸ்து ஹோமம், சுதர்சன ஹோமம், விஷ்ணு ஹோமம், காயத்ரி ஹோமம் ஆகிய ஹோமங்கள் நடந்தன. தொடர்ந்து, 12 மணிக்கு மகா பூஜை, நெய் வேத்தியம், மகா மங்களாரத்தி மற்றும் தீர்த்தப்பிரசாதம் வழங்குதல் ஆகியவை நடைபெற்றன.

நேற்று காலை 6 மணிக்கு ஹோமங்கள் நடந்தன. தொடர்ந்து மகா கும்பாபிஷேகமும், மகா மங்களாரத்தியும் நடந்தன. இதில் திரளான பக்தர்கள் கலந்து கொண்டனர்.