என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
உள்ளூர் செய்திகள்
நாமக்கல் மண்டலத்தில் முட்டை கோழி விலை கிலோவுக்கு ரூ.7 சரிந்தது
- நாமக்கல் மண்டலத்தில் பல கோடி முட்டைகள் தேங்கி உள்ளது.
- முட்டை விலையில் எந்த மாற்றமும் இல்லாமல் 440 காசுகளாக நீடிக்கிறது.
நாமக்கல்:
நாமக்கல் மண்டலத்தில் 6 கோடிக்கும் அதிகமாக முட்டை கோழிகள் வளர்க்கப்படுகின்றன. இதன் மூலம் தினமும் 5 கோடிக்கும் அதிகமான முட்டைகள் உற்பத்தி செய்யப்பட்டு உலகம் முழுவதும் ஏற்றுமதி செய்யப்படுகின்றன.
இந்த நிலையில் முட்டை விலை குறைந்ததால், கோழிப் பண்ணையாளர்கள் நஷ்டம் ஏற்படுவதாக கூறி வருகிறார்கள். மேலும் முட்டை விலை நிர்ணயம் செய்யப்படும் தேசிய முட்டை ஒருங்கிணைப்புக் குழு அலுவலகத்தில் 2 நாட்களாக உள்ளிருப்பு போராட்டத்திலும் ஈடுபட்டனர்.
இதற்கிடையே நாமக்கல் மண்டலத்தில் பல கோடி முட்டைகள் தேங்கி உள்ளதாகவும் கூறப்படுகிறது. இந்த நிலையில் முட்டை கோழி உற்பத்தியாளர்கள் வியாபாரிகள் ஆலோசனைக் கூட்டம் நாமக்கல்லில் இன்று நடந்தது.
இதில் முட்டை கோழிகள் உற்பத்தி மற்றும் அதன் தேவை குறித்தும் விரிவாக ஆலோசிக்கப்பட்டது. பின்னர் முட்டை கோழி விலையை கிலோவுக்கு ரூ.7 குறைக்க முடிவு செய்யப்பட்டது. அதன்படி ரூ.74 ஆக இருந்த முட்டை கோழி விலை ரூ.67 ஆக நிர்ணயம் செய்யப்பட்டது.
பல்லடத்தில் கறிக்கோழி உற்பத்தியாளர்கள் ஆலோசனை கூட்டம் நடந்தது. இந்த கூட்டத்தில் கறிக்கோழி உற்பத்தி மற்றும் தேவைகள் குறித்து விரிவாக ஆலோசிக்கப்பட்டது. பின்னர் ரூ.80 ஆக இருந்த கறிக்கோழி விலையை, மேலும் ரூ.3 உயர்த்தி ரூ.83 ஆக நிர்ணயம் செய்யப்பட்டது.
முட்டை விலையில் எந்த மாற்றமும் இல்லாமல் 440 காசுகளாக நீடிக்கிறது. முட்டையின் தேவை குறைந்ததால் விலை உயர தற்போது வாய்ப்பில்லை என்று கூறப்படுகிறது.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்