என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
உள்ளூர் செய்திகள்
மாங்கனி கண்காட்சியில் பொதுமக்களுக்கு ஆடிப்பட்ட காய்கறி விதைகள் விநியோகம்
- காய்கறி விதைகள் இலவசமாக வழங்கும் முகாமை கலெக்டர் கே.எம்.சரயு தொடங்கி வைத்தார்.
- காய்கறி விதைகளை, தோட்டக்கலை உதவி இயக்குநர் அலுவலகத்தில் பெற்றுக் கொள்ளலாம்.
கிருஷ்ணகிரி,
கிருஷ்ணகிரி அரசு ஆண்கள் மேல்நிலைப்பள்ளியில் தோட்டக்கலைத்துறை சார்பில் அகில இந்திய மாங்கனி கண்காட்சி நடைபெற்று வருகிறது. இதில் நேற்று பொதுமக்கள், விவசாயிகளுக்கு ஆடிப்பட்ட காய்கறி விதைகள் இலவசமாக வழங்கும் முகாம் நடந்தது. மாவட்ட கலெக்டர் கே.எம்.சரயு தொடங்கி வைத்தார். தோட்டக்கலைத்துறை இணை இயக்குநர் பூபதி முன்னிலை வகித்தார்.
பொதுமக்கள், விவசாயிகளுக்கு ஆடிப்பட்ட விதை தொகுப்பை வழங்கி கலெக்டர் பேசியதாவது:-
மாவட்டத்தில் ஆடிப்பட்டத்தை முன்னிட்டு தோட்டக்கலைத்துறை மூலம் 5 ஆயிரம் ஆடிப்பட்ட காய்கறி விதைத் தொகுப்புகள் இலவசமாக வழங்கும் திட்டம் தொடங்கப்பட்டுள்ளது. ஆடிப்பட்டத்தில் காய்கறி விதைத்து, தை மாதம் அறுவடை செய்யலாம், பயிர்களுக்கு தேவையான சூரிய ஒளி, பிராணவாயு, நல்ல மழை கிடைக்கும்.
கோடைக்காலங்களில் இறுகி மண், ஆனி மழையில் தளர்ந்து காணப்படும். மண்ணின் ஈரப்பதத்தில் நுண்ணுயிர்கள், மண் புழு, நல்ல பாக்டீரியாக்கள் உருவாக தொடங்கும். இதனால் மண் செழிப்பதோடு விதைத்த பிறகு பயிர்களும் செழித்து அறுவடையை ஊக்குவிக்கிறது. பூச்சிகள் மற்றும் நோய்களின் தாக்கம் குறைவாக இருக்கும்.
ஆடி மாதம், அவரை, கத்திரி, தக்காளி, மிளகாய், பாகற்க்காய், சுரைக்காய், பூசணிக்காய், முள்ளங்கி, வெண்டை, கொத்தவரை, பீர்க்கங்காய், கீரை, புடலங்காய், சாம்பல் பூசணி, முருங்கை உள்ளிட்டவை விதைக்கலாம். இந்த வகையான காய்கறி விதைகள், தற்போது இலவசமாக வழங்கப்படும் தொகுப்பில் உள்ளன. இதனை விவசாயிகள், வீட்டு காய்கறித்தோட்டம் அமைக்க விரும்பும் பொதுமக்கள் தொடர்புடைய தோட்டக்கலை உதவி இயக்குநர் அலுவலகத்தில் பெற்றுக் கொள்ளலாம். இவ்வாறு அவர் கூறினார்.
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்