9 ஆயுதப்படை போலீசார் கோவை சரகத்திற்கு மாற்றம்

கிருஷ்ணகிரி,

கிருஷ்ணகிரி ஆயுதப்படை போலீஸ் பிரிவில் பணியாற்றி வந்த போலீஸ்காரர்கள் பாலாஜி, ராஜேஷ், வினோத்குமார், சேட்டு, நேதாஜி, அருள்செல்வம், கலைவாணன், சரத்குமார், மணிவேல் ஆகிய 9 பேர் கோவை சரகத்திற்கு இடமாற்றம் செய்யப்பட்டுள்ளனர்.

நிர்வாக காரணங்களுக் காக அவர்கள் இடமாற்றம் செய்யப்பட்டதாக போலீஸ் அதிகாரிகள் தரப்பில் கூறினாலும், ஆயுதப்படை போலீஸ் பிரிவில் பல்வேறு முறைகேடுகள் நடப்பதாகவும், அதை மேற்கண்ட போலீசாரில் சிலர் தட்டி கேட்டதால் இந்த இடமாற்றம் செய்யப்பட்டு உள்ளதாக போலீஸ் வட்டாரத்தில் பரவலாக பேசப்பட்டு வருகிறது.