புதுக்கோட்டை:
மனிதநேய ஜனநாயக கட்சியின் புதுக்கோட்டை மேற்கு மாவட்டம் கறம்பக்குடி நகர ஆலோசனை கூட்டம் நகர செயலாளர் ஆசைஅப்துல்லா தலைமையில் நடைபெற்றது.
வர்த்தகர் அணி நகர செயலாளர் சாகுல்ஹமீது வரவேற்புரையாற்றினார். இதில் சிறப்பு அழைப்பாளர்களாக மாவட்ட செயலாளர் முஹம்மதுஜான், மாவட்ட துணை செயலாளர் லெட்சுமணன், தகவல் தொழில்நுட்ப அணி
மாவட்ட செயலாளர் முகமதுமன்சூர் கலந்து கொண்டு கட்சியின் வளர்ச்சி குறித்தும் நிர்வாக கட்டமைப்பு புதிய நிர்வாகிகள் தேர்வு உள்ளிட்டவைகளை குறித்து ஆலோசனை வழங்கினார்கள். மேலும் புதிய நகர பொருளாளராக அம்மன்ராமசாமி ஒருமனதாக தேர்வு செய்யப்பட்டார்.
கூட்டத்தில் மாவட்ட , நகர, ஒன்றிய நிர்வாகிகள் திரளாக கலந்து கொண்டனர். இறுதியில் மருத்துவரணி நகர செயலாளர் சையதுஇப்ராஹீம் நன்றியுரையாற்றினார்.
