சுசீந்திரம் கோவிலில் தெப்ப திருவிழா

கன்னியாகுமரி:

சுசீந்திரம் தாணுமாலயன் சுவாமி கோவிலில் மார்கழி, சித்திரை, ஆவணி திருவிழாக்கள் 10 நாட்களும், மாசி திருக்கல்யாணம் 9 நாட்களும் நடைபெறுவது வழக்கம். இதில் பெரிய திருவிழா சித்திரை தெப்ப திருவிழாவாகும்.

கொரோனா தொற்று காரணமாக 2 ஆண்டுகள் தெப்ப திருவிழா நடைபெறவில்லை. இந்த நிலையில் இந்த ஆண்டு க்கான சித்திரை திருவிழா நாளை (1-ந்தேதி) காலை 9 மணிக்கு கொடி யேற்றத்து டன் தொடங்குகிறது.

இதற்காக 5 ஆண்டுகளுக்கு பிறகு தெப்பக்குளம் சுற்றுச் சுவர்கள், தெப்ப மண்டபம் வர்ணம் பூசப்பட்டுள்ளது.

இடலாக்குடி பட்டாரியர் சமுதாய மக்களால் கொண்டு வரப்படும் கொடிப்பட்டம் இன்று மாலை கோவிலில் ஒப்படைக்கப்படுகிறது. 1-ம் நாள் திருவிழாவான நாளை காலை கொடியேற்றத்திற்கு பிறகு சுவாமிக்கு சிறப்பு அபிஷேகமும், மாலை தேவார இன்னிசையும் நடக்கிறது.

3-ம் நாள் திருவிழாவில் புஷ்ப வாகனத்தில் சுவாமி பவனியும், 5-ம் நாள் விழாவில் ரிஷப வாகன த்தில் சுவாமி பவனியும், 7-ம் நாள் திருவிழாவில் கைலாச பர்வத வாகனத்தில் சுவாமி பவனியும் நடக்கிறது.

9-ம் திருவிழா அன்று காலை விநாயகருக்கு தேரில் கணபதி, அம்மன் தேரில் தாணுமாலயர், இந்திரன் தேரில் அம்மனும் ரத வீதிகள் வழியாக வலம் வருவார்கள். 10- நாள் வரும் 10-ந்தேதி இரவு 8 மணிக்கு தெப்ப திருவிழா நடக்கிறது.

வண்ண விளக்கு, 100 எண்ணெய் விளக்குகளும் ஏற்றப்பட்டு தெப்பக் குளத்தில் 3 முறை தெப்பம் வலம் வரும். 3-வது முறை சுவாமிக்கு தீபாராதனை காண்பிக்கப்பட்டு ரத வீதிக ளில் வாகன பவனிக்கு பிறகு சுவாமிக்கு ஆராட்டு நடக்கிறது.

விழா ஏற்பாடுகளை கோவில் இணை ஆணையர் ஞானசேகர், கோவில் கண்காணிப்பாளர் சிவக்குமார், மேலாளர் ஆறுமுகதரன், கணக்கர் கண்ணன் ஆகியோர் செய்து வருகின்றனர்.