பச்சைமலையில் எஸ்.பி. சுஜித்குமார் திடீர் ஆய்வு

திருச்சி:

திருச்சி மாவட்டம் உப்பிலியபுரம் ஒன்றியம் பச்சைமலை பகுதிகளை மாவட்ட காவல்துறை கண்காணிப்பாளர் சுஜித்குமார் அதிரடியாக பார்வையிட்டார்.

உப்பிலியபுரத்தை அடுத்துள்ள பச்சைமலை டாப்செங்காட்டுப்பட்டி மலைப்பகுதிக்கு இன்று காலை 7 மணியளவில் எஸ்.பி. சுஜித்குமார் பார்வையிட்டு திடீர் ஆய்வு மேற்கொண்டார்.

டாப்செங்காட்டுப்பட்டியில் 1  கிமீ தொலைவு நடைபயணம் மேற்கொண்ட சுஜித்குமார், வண்ணாடு கோரையாறு அருவியை பார்வையிட்டர்.

ஆய்வின் போது  திருச்சி மாவட்ட மதுவிலக்கு காவல்துறை கண்காணிப்பாளர் முத்தரசு, துறையூர் இன்ஸ்பெக்டர் செந்தில்குமார், மதுவிலக்கு பிரிவு இன்ஸ்பெக்டர் சுமதி, உப்பிலியபுரம் சப்இன்ஸ்பெக்டர் பெரியமணி, பிரகாஷ் ஆகியோர் உடனிருந்தனர்.