பரமத்திவேலூர்:
திராவிடர் கழகம் சார்பில் நீட் தேர்வு, புதிய கல்விக் கொள்கை எதிர்ப்பு, மாநில உரிமை மீட்பு பரப்புரை பெரும் பயணம் பொதுக்கூட்டம் பரமத்தி வேலூர் காமராஜர் சிலை அருகே நடைபெற்றது. .
திராவிடர் கழக பொதுச்செயலாளர் கி.வீரமணி சிறப்பு விருந்தினராக கலந்துகொண்டு பேசியதாவது:
இன்றைக்கு பெட்ரோல், டீசல் விலையில் இருந்து இல்லத்தரசிகள் பயன்படுத்தும் கியாஸ் வரையில் அனைத்து பொருட்களும் உயர்ந்து விட்டது. தமிழ்நாடு கல்வியில் முன்னேறி இருக்கிறது. பெண் கல்வியில் முன்னேறி இருக்கிறது.
நீட் தேர்வில் இதுவரை 20 மாணவிகள் பலிபீடத்தில் நிறுத்தப்-பட்டுள்ளார்கள். தமிழக முதலமைச்சர் மு.க.ஸ்டாலின் நீட் மசோதாவை ஆய்வு செய்து அரசியல் சட்டப்படி நமக்கு உரிமை இருக்கிறது என்பதை காட்ட ஒய்வு பெற்ற நீதிபதி ராஜன் தலைமையில் 9 பேர் கொண்ட கமிட்டி அமைத்து ஆய்வு செய்து ஒரே மாதத்தில் ஆய்வு அறிக்கை கொடுத்தார்கள்.
அதனை தொடர்ந்து சட்டமன்றத்தில் நீட் மசோதா நிறைவேற்றப்பட்டு தமிழக ஆளுநருக்கு அனுப்பப்-பட்டது. ஆனால் 3 மாதம் கழித்து தமிழக ஆளுநர் திருப்பி அனுப்பி விட்டார். அதற்கு இவருக்கு அதிகாரம் கிடையாது. இவ்வாறு அவர் பேசினார்.
