ஓசூர்,
கிருஷ்ணகிரி மாவட்டம், ஓசூரில் உள்ள பிரசித்தி பெற்ற ஸ்ரீசந்திரசூடேஸ்வரர் கோவில் தேர்த்திருவிழா, கடந்த சில நாட்களுக்கு முன்பு நடந்தது.
விழாவின்போது, பக்தர்கள் உண்டியல்களில் செலுத்திய காணிக்கை தொகை எண்ணும் பணி நேற்று நடைபெற்றது. இந்துசமய அறநிலைத்துறை இணை ஆணையர் கஜேந்திரன் உத்தரவின்பேரில், உதவி ஆணையர் பாஸ்கரன் மற்றும் கோவில் ஆய்வாளர்கள் ஓசூர் பிரபு, தேன்கனிக்கோட்டை நாசிம்மமூர்த்தி, சூளகிரி பூவரசன் ஆகியோர் முன்னிலையில், கோவில் பணியாளர்கள், அர்ச்சகர்கள், கல்லூரி மாணவர்கள், ஊர் மக்கள் காணிக்கை தொகை எண்ணும் பணியில் ஈடுபட்டனர்.
பின்னர், 7 உண்டியல்களிலும் மொத்தம் ரூ. 11 லட்சத்து 2 ஆயிரத்து 278 தொகையை பக்தர்கள் காணிக்கையாக செலுத்தி யிருந்ததாக அதிகாரிகள் தெரிவித்தனர்.
