குருபரப்பள்ளி அருகே 3 மாடுகள் திருட்டு

கிருஷ்ணகிரி, 

கிருஷ்ணகிரி மாவட்டம் குருபரப்பள்ளி அருகே கங்கசத்திரம் கிராமத்தை சேர்ந்தவர் கோவிந்தன் (வயது 53), விவசாயி.

இந்த நிலையில் கடந்த 25ந் தேதி இவர் வீடு அருகே கட்டியிருந்த 3 மாடுகளை காணவில்லை. யாரோ மர்ம நபர், மாடுகளை திருடி சென்றது தெரிய வில்லை. இதன் மதிப்பு ரூ.65 ஆயிரம் ஆகும்.

இதுபற்றி கோவிந்தன், குருபரப்பள்ளி போலீசில் புகார் செய்தார். அதன்பேரில் போலீசார் வழக்குப்பதிவு செய்து விசாரணை நடத்தி வருகிறார்கள்.