மத்தூர் அருகே குழந்தையுடன் பெண் காணவில்லை

மத்தூர்:

கிருஷ்ணகிரி மாவட்டம், மத்தூரை அடுத்துள்ள அத்திகானூர் பகுதியை சேர்ந்தவர் நாதகுமார் (வயது37). வாணியம்பாடியில் ஜவுளிக்கடை நடத்தி வருகிறார். இவரது மனைவி கீர்த்தனா. இவர்களுக்கு மகாஜெஸ்சின் என்கிற 4 வயதில் மகன் உள்ளார்.

இந்த நிலையில் கடந்த 3-ந்தேதி அன்று கீர்த்தனா தனது  மகனுடன் வீட்டை விட்டு வெளியே சென்றார். பின்னர் வெகுநேரமாகியும் அவர்கள் வீடு திரும்பவில்லை. இதனால் அவர்களை உறவினர் வீடு உள்பட பல இடங்களில் தேடியும் கிடைக்கவில்லை.

இது குறித்து மத்தூர் போலீசில் புகார் கொடுக்கப்பட்டது. அதன் பேரில் போலீசார் வழக்குபதிவு செய்து விசாரணை நடத்தி வருகின்றனர்.