கோத்தகிரியில் பாரம்பரிய நடனத்துடன் அம்மன் கோவில் திருவிழா

கோத்தகிரி:

கோத்தகிரி படுகர் சமுதாய மக்கள் வசிக்கும் திம்பட்டியைச் சேர்ந்த  8 ஊர்கள் சார்பில், மாகாளி அம்மன் கோவில் திருவிழா பாரம்பரிய நடனத்துடன்  நடைபெற்றது. படுகர் இன மக்கள் ஒவ்வொரு ஆண்டும் மாகாளி அம்மன் திருவிழாவை தங்களது பாரம்பரிய உடை அணிந்து நடனமாடி கொண்டாடுவது வழக்கம். 

கொரோனா நோய்த் தொற்று காரணமாக கடந்த இரண்டு ஆண்டுகளாக திருவிழா நடைபெறவில்லை.இந்த ஆண்டு பிப்ரவரி 21&ந் தேதி இவ்விழா தொடங்கியது. ஜக்கலோடை கிராமத்தில் பாரம்பரிய திருவிழா 5&ஆம் நாளான நேற்று  நடைபெற்றது.அதிகாலை முதலே 8 ஊர்களின் பக்தர்களும்  கலாசார உடை அணிந்து, அம்மனுக்கு காணிக்கை செலுத்தி வழிபட்டனர். தொடர்ந்து   அம்மன் ஊர்வலத்துடன் நடனமாடி மகிழ்ந்தனர்.