கிரானைட் கல் கடத்திய லாரி பறிமுதல்

கிருஷ்ணகிரி:

கிருஷ்ணகிரி கனிமவள உதவி இயக்குனர் பொன்னுமணி தலைமையில் அதிகாரிகள் ஜெகதேவி பிரிவு சாலையில் வாகன தணிக்கையில் ஈடுபட்டனர். அப்போது அந்த பகுதியில் கேட்பாரற்ற நிலையில் இருந்த டாரஸ் லாரியை சோதனை செய்தபோது அதில் 5 கிரானைட் கல்லை கொண்டு சென்றது தெரியவந்தது.

இதுகுறித்து அதிகாரி பொன்னுமணி பர்கூர் போலீஸ் நிலையத்தில் புகார் செய்தார். அதன்பேரில் போலீசார் வழக்குப்பதிவு செய்து லாரியை பறிமுதல் செய்து விசாரணை நடத்தி வருகிறார்கள்.