முனீஸ்வரர் கோவிலில் கும்பாபிஷேக விழா

கிருஷ்ணகிரி:

கிருஷ்ணகிரி அடுத்த ஆத்துக்காவாய் அருகில் அமைந்துள்ள முனீஸ்வரர் கோவில் இரண்டாம் ஆண்டு கும்பாபிஷேக விழா நேற்று நடந்தது.

இதையொட்டி கணபதி ஹோமம்,கோ பூஜை, நவகிரக சாந்தி தீபாராதனையும், காலை 11 மணிக்கு, சாமி கரிகோலம் நிகழ்ச்சியும் நடந்தது. தொடர்ந்து இரண்டாம் கால யாக பூஜை, யாகசாலை பூஜை மற்றும் முனீஸ்வரர் மூலமந்திர ஹோமம், சுவாமி பிரதிஷ்டை, பஞ்சமுக ருத்ர ஹோமம் ஆகியவை நடந்தது. தொடர்ந்து 3&ம் கால யாக பூஜை, தத்வார்ச்சனை, ருத்ர ஹோமம், தீபாராதனை நடந்தது. 

தொடர்ந்து மூலவருக்கு சந்தன, குங்கும, பால், பன்னீர் உள்ளிட்ட 18 வகையான அபிஷேகங்கள் நடைபெற்றது. இதில், சுற்று வட்டாரத்தைச் சேர்ந்த பக்தர்கள் கலந்து கொண்டு சாமி தரிசனம் செய்தனர்.