search icon
என் மலர்tooltip icon

    உள்ளூர் செய்திகள்

    .
    X
    .

    மகராஜகடை அருகே தந்தை கொலையில் மகன் கைது

    கிருஷ்ணகிரி அடுத்த மகராஜகடை அருகே தந்தையை கொன்ற மகனை போலீசார் கைது செய்தனர்.
    கிருஷ்ணகிரி:

    கிருஷ்ணகிரி மாவட்டம், மகராஜகடை அருகே உள்ள ஏக்கல்நத்தம் கிராமத்தைச் சேர்ந்தவர் முனியப்பன் (வயது 68). விவசாயி. ஆடுகளை வளர்த்து வந்தார். இவருக்கு 4மகன்கள், 1மகள் உள்ளனர். தினமும் அவர் பலிகுமாரமத்துபாறை ஏறுமலை வனப்பகுதியில் ஆடுகளை மேய்ச்சலுக்காக கொண்டுசென்று வருவது வழக்கம். 

    இந்த நிலையில் கடந்த 21-ந் தேதி அவர் ஆடுகளை மேய்ச்சலுக்காக கொண்டு சென்றார். ஆனால் மாலை அவர் வீடு திரும்பவில்லை. இதனால் அவரை உறவினர்கள் தேடி பார்த்தனர். அப்போது வனப்பகுதியில் முனியப்பன் பலத்த காயங்களுடன் இறந்து கிடந்தார்.

    இது குறித்து தகவல் அறிந்ததும் கிராம நிர்வாக அலுவலர் கிருஷ்ணன் அளித்த புகாரின் பேரில் சந்தேக மரணம் என மகராஜகடை போலீசார் வழக்குப் பதிவு செய்து விசாரணை நடத்தி வந்தனர். 

    இந்த நிலையில், முனியப்பனை அவரது இரண்டாவது மகன் வெங்கடேசன் (எ) சின்னபையன் (37), தந்தையை கொலை செய்தது தெரியவந்தது. இதையடுத்து வெங்கடேசனை போலீஸார் கைது செய்தனர்.
    Next Story
    ×