என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
உள்ளூர் செய்திகள்
X
புதுக்கோட்டை மாவட்ட இறுதி வாக்காளர் பட்டியல் வெளியீடு
Byமாலை மலர்6 Jan 2022 7:39 AM GMT (Updated: 6 Jan 2022 7:39 AM GMT)
புதுக்கோட்டை மாவட்டத்தில் மொத்தம் 13,63,126 பேர் இறுதி வாக்காளர் பட்டியலில் இடம் பெற்றுள்ளதாக கலெக்டர் கவிதா ராமு தெரிவித்தார்.
புதுக்கோட்டை: புதுக்கோட்டை மாவட்ட கலெக்டர் அலுவலகக் கூட்டரங்கில், சிறப்பு சுருக்க முறை திருத்தம் 2022 இறுதி வாக்காளர் பட்டியலை மாவட்ட தேர்தல் அலுவலரும், மாவட்ட கலெக்டருமான கவிதா ராமு அங்கீகரிக்கப்பட்ட அரசியல் கட்சிகளின் பிரதிநிதிகள் முன்னிலையில் வெளியிட்டார்.
அதனை மாவட்ட வருவாய் அலுவலர் செல்வி பெற்றுக்கொண்டார். பின்னர் கலெக்டர் கூறுகையில், புதுக்கோட்டை மாவட்டத்தில் வாக்காளர்பட்டியல் சிறப்பு முறை சுருக்கத் திருத்தம் 2022&க்கான இறுதி வாக்காளர் பட்டியல் வெளியிடப்பட்டுள்ளது. அதன் அடிப்படையில் புதுக்கோட்டை மாவட்டத்தில் 6,70,877 ஆண் வாக்காளர்கள், 6,92,178 பெண் வாக்காளர்கள் மற்றும் 71 மூன்றாம் பாலினத்தவர்கள் சேர்த்து மொத்தம் 13,63,126 வாக்காளர்கள் 2022 ஆம் ஆண்டிற்கான இறுதி வாக்காளர் பட்டியலில் இடம் பெற்றுள்ளனர்.
2022 ஆம் ஆண்டிற்கான வரைவு வாக்காளர் பட்டியல் (01.11.2021&ன்படி) மொத்தம் 13,51,878 வாக்காளர்கள் இடம் பெற்றிருந்தனர். 01.11.2021 முதல் 30.11.2021 வரை நடைபெற்ற 2022 ஆம் ஆண்டிற்கான சிறப்பு சுருக்கமுறை திருத்தத்தின்போது 8,906 ஆண் வாக்காளர்கள், 11,333 பெண் வாக்காளர்கள் மற்றும் 7 மூன்றாம் பாலினத்தவர்கள் சேர்த்து மொத்தம் 20,246 வாக்காளர்கள் புதிதாக சேர்க்கப்பட்டுள்ளனர்.
01.11.2021 முதல் 30.11.2021 வரை நடைபெற்ற 2022 ஆம் ஆண்டிற்கான சிறப்பு சுருக்கமுறை திருத்தத்தின்போது 4,476 ஆண் வாக்காளர்கள், 4,519 பெண் வாக்காளர்கள் மற்றும் 3 மூன்றாம் பாலினத்தவர்கள் சேர்த்து மொத்தம் 8,998 வாக்காளர்கள் நீக்கம் செய்யப்பட்டுள்ளனர்.
சிறப்பு முறை சுருக்க திருத்தம் 2022&ன்போது 24,057 இளம் வாக்காளர்கள் (18&19 வயதுடையவர்கள்) வாக்காளர் பட்டியலில் புதிதாக சேர்க்கப்பட்டுள்ளனர். புதுக்கோட்டை மாவட்டத்தில் 1,559 வாக்குச்சாவடி மையங்கள் உள்ளன. மேலும் புதுக்கோட்டை மாவட்டத்தில் நகர எல்கைக்குள் 85 வாக்குச்சாவடி அமைவிடங்கள் மற்றும் கிராம எல்கைக்குள் 856 வாக்குச்சாவடி அமைவிடங்கள் என மொத்தம் 941 வரையறுக்கப்பட்ட வாக்குச்சாவடி அமைவிடங்கள் உள்ளன என மாவட்ட தேர்தல் அலுவலர் மற்றும் மாவட்ட கலெக்டர் கவிதா ராமு தெரிவித்தார்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X