என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
மீன்சுருட்டி அருகே திருமணமான ஒரு வாரத்தில் புதுப்பெண் தற்கொலை
Byமாலை மலர்16 Sep 2021 11:35 AM GMT (Updated: 16 Sep 2021 11:35 AM GMT)
மீன்சுருட்டி அருகே திருமணமான ஒரு வாரத்தில் புதுப்பெண் தற்கொலை செய்து கொண்ட சம்பவம் குறித்து போலீசார் விசாரணை நடத்தி வருகின்றனர்.
மீன்சுருட்டி:
அரியலூர் மாவட்டம், மீன்சுருட்டி அருகே உள்ள கீழ செங்கல்மேடு மாரியம்மன் கோவில் தெருவை சேர்ந்தவர் கருப்பையன். கூலித் தொழிலாளி. இவரது மனைவி பவானி. இவர்களுக்கு 3 மகன்களும், 3 மகள்களும் உள்ளனர். அவா்களில் இரண்டாவது மகளான துர்க்காதேவிக்கும்(வயது 26), ஜெயங்கொண்டம் அருகே உள்ள உட்கோட்டை தெற்கு தெருவை சேர்ந்த அன்பழகன் மகன் அன்பரசனுக்கும்(30) கடந்த 8-ந் தேதி திருமணம் நடைபெற்றது.
கடந்த 10-ந் தேதி மகளும், மருமகனும், மறு வீடு விருந்துக்கு வந்திருந்தனர். அப்போது துர்காதேவிக்கு மாதவிடாய் காரணமாக கடுமையான வயிற்று வலி ஏற்பட்டதாக கூறப்படுகிறது. இதனால் அவர், சோர்வாக காணப்பட்டார். இந்தநிலையில் கடந்த 14-ந் தேதி இரவு எல்லோரும் சாப்பிட்டு விட்டு தூங்கிக் கொண்டிருந்தனர். அப்போது அதிகாலை நேரத்தில் மரத்தில் மாடு கட்டுவதற்காக வைத்திருந்த கயிற்றால் துர்க்காதேவி தூக்குப்போட்டு தற்கொலை செய்து கொண்டார்.
இதுகுறித்து கருப்பையன் கொடுத்த புகாரின்பேரில், ஜெயங்கொண்டம் துணை போலீஸ் சூப்பிரண்டு கலைக்கதிரவன் மற்றும் மீன்சுருட்டி போலீசார் சம்பவ இடத்திற்கு சென்று துர்க்காதேவியின் உடலை கைப்பற்றி பிரேத பரிசோதனைக்காக ஜெயங்கொண்டம் அரசு மருத்துவமனைக்கு அனுப்பி வைத்தனர். இதுகுறித்து மீன்சுருட்டி போலீசார் வழக்குப்பதிவு செய்து வயிற்று வலி காரணமாக துர்க்காதேவி தற்கொலை செய்து கொண்டாரா? அல்லது வேறு ஏதேனும் காரணமா? என்று விசாரணை நடத்தி வருகின்றனர்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X