திருக்கண்ணபுரம் ஊராட்சியில் கொரோனா தடுப்பூசி முகாம்

திட்டச்சேரி:

திருமருகல் ஒன்றியம் திருக்கண்ணபுரம் ஊராட்சியில் நடந்த கொரோனா தடுப்பூசி முகாமிற்கு ஊராட்சி மன்ற தலைவர் தியாகராஜன் தலைமை தாங்கினார். வட்டார மருத்துவ அலுவலர் அறிவொளி முகாமை தொடங்கி வைத்தார். மாவட்ட கொள்ளை நோய் தடுப்பு அதிகாரி லியாகத்அலி முகாமை பார்வையிட்டார்.இதில் 312 பேருக்கு கொரோனா தடுப்பூசி போடப்பட்டது. மேலும் 200 பேருக்கு கொரோனா பரிசோதனை செய்யப்பட்டது. முகாமில் மருத்துவர்கள் விஜய், பாஸ்கரன், விநாயகவேலவன், ஊராட்சி செயலாளர் மகேஸ்வரி, துணைத் தலைவர் அமுதா முத்துக்குமார், சுகாதார ஆய்வாளர் சுப்ரமணி மற்றும் அங்கன்வாடி பணியாளர்கள் கலந்து கொண்டனர்.