லாரி மீது வேன் மோதி டிரைவர் பலி

சூளகிரி:

கள்ளக்குறிச்சி மாவட்டம் சின்னசேலம் அருகே உள்ள கதிரேபாளையத்தை சேர்ந்தவர் வெங்கடேசன் (வயது 33). சரக்கு வேன் டிரைவர். சம்பவத்தன்று அவர் கோபசந்தரம் பஸ் நிறுத்தம் அருகே சரக்கு வேனை ஓட்டிச் சென்றார். அப்போது அப்பகுதியில் நின்று கொண்டிருந்த லாரி மீது சரக்கு வேன் மோதியது. இதில் பலத்த காயம் அடைந்த வெங்கடேசனை அருகில் இருந்தவர்கள் மீட்டு சிகிச்சைக்காக ஓசூர் அரசு ஆஸ்பத்திரியில் சேர்த்தனர். பின்னர், புதுச்சேரி ஜிப்மர் மருத்துவமனையில் அனுமதிக்கப்பட்ட அவர், சிகிச்சை பலன் அளிக்காமல் இறந்தார். இது குறித்து சூளகிரி போலீசார் விசாரணை நடத்தி வருகிறார்கள்.