விருதுநகர்:
விருதுநகர் மாவட்டத்தில் மேலும் 59 பேருக்கு கொரோனா பாதிப்பு உறுதியானது. இதனால் பாதிப்பு எண்ணிக்கை 44,415 ஆக உயர்ந்துள்ளது.
இதுவரை 43,200 பேர் சிகிச்சை முடிந்து வீடு திரும்பியுள்ளனர். நேற்று மட்டும் 106 பேர் சிகிச்சை முடிந்து வீடு திரும்பியுள்ளனர். 692 பேர் அரசு மற்றும் தனியார் ஆஸ்பத்திரிகளில் சிகிச்சை பெறுவதோடு வீடுகளிலும் தனிமைப்படுத்தப்பட்டுள்ளனர். நோய் பாதிப்புக்கு மேலும் 2 பேர் பலியாகி உள்ள நிலையில் பலி எண்ணிக்கை 524ஆக உயர்ந்துள்ளது.
நேற்று அரசு ஆஸ்பத்திரிகளில் 184 பேரும், சிகிச்சை மையங்களில் 42 பேரும் நோய் பாதிப்புக்காக அனுமதிக்கப்பட்டுள்ளனர். மாவட்டத்தில் நேற்று விருதுநகர், ஸ்ரீவில்லிபுத்தூர், சிவகாசி, திருத்தங்கல் உள்ளிட்ட பகுதிகளில் பாதிப்பு ஏற்பட்டுள்ளது. மாவட்ட பட்டியலில் 15 பேருக்கு பாதிப்பு ஏற்பட்டுள்ளதாக தெரிவிக்கப்பட்டுள்ளது. மாநிலப்பட்டியலில் 59 பேருக்கு பாதிப்பு ஏற்பட்டுள்ளதாக தெரிவிக்கப்பட்டுள்ளது. பாதிப்பு 2 சதவீதமாக உள்ளது.
