ஓசூரில் தனியார் கம்பெனி ஊழியர் வீட்டில் மோதிரம், வெள்ளிப்பொருட்கள் திருட்டு

ஓசூர்:

ஓசூரில், கருடா லேஅவுட் பகுதியை சேர்ந்தவர் இளையராஜா (வயது 30). தனியார் நிறுவனத்தில் மெஷின் ஆபரேட்டராக வேலை செய்து வருகிறார். சம்பவத்தன்று அவர் வீட்டை பூட்டி விட்டு வெளியே சென்றார். பின்னர், மீண்டும் வீட்டுக்கு திரும்பியபோது, கதவு உடைக்கப்பட்டு உள்ளே பீரோவில் இருந்த 4 கிராம் தங்க மோதிரம் மற்றும் 20 கிராம் வெள்ளிப்பொருட்கள் திருட்டு போயிருப்பது கண்டு அதிர்ச்சியடைந்தார். இதுகுறித்து அவர் கொடுத்த புகாரின் பேரில் ஓசூர் அட்கோ போலீசார் வழக்குப்பதிவு செய்து விசாரணை நடத்தி வருகிறார்கள்.