என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
வேட்டவலம் அருகே நாதஸ்வர கலைஞர் மர்ம மரணம்- போலீசில் மனைவி புகார்
Byமாலை மலர்14 May 2021 5:51 PM GMT (Updated: 14 May 2021 5:51 PM GMT)
வேட்டவலம் அருகே நாதஸ்வர கலைஞர் மர்மமான முறையில் இறந்து கிடந்தார். அவருடைய சாவில் சந்தேகம் இருப்பதாக போலீசில் மனைவி புகார் செய்துள்ளார்.
வேட்டவலம்:
வேட்டவலத்தை அடுத்த ஆவூர் கிராமத்தை சேர்ந்தவர் முருகன் (வயது 44). நாதஸ்வர கலைஞர். இவர் கடந்த 11-ந் தேதி நாதஸ்வர நிகழ்ச்சிக்கு அட்வான்ஸ் வாங்கி வருவதாக கூறிச்சென்றார். பின்னர் முருகன் வீடு திரும்பவில்லை. அவரை எங்கு தேடியும் கண்டுபிடிக்க முடியவில்லை. இந்த நிலையில் நேற்று காலை வெண்ணியந்தல் செல்லும் சாலையில் உள்ள சம்பத் என்பவரது வீட்டின் பின்புறம் உள்ள ஒரு இடத்தில் அடையாளம் தெரியாத நபர் ஒருவர் இறந்து கிடப்பதாக தகவல் கிடைத்தது.
அப்பகுதியை சேர்ந்தவர்கள் சென்று பார்த்தபோது இறந்து கிடந்தவர் காணாமல்போன நாதஸ்வர கலைஞர் முருகன் என்பது தெரியவந்தது. இதையடுத்து அவரது குடும்பத்தினர் சென்று முருகனின் உடலை வீட்டுக்கு கொண்டு சென்றனர்.
அவரது உடலில் காயங்கள் இருந்ததாக கூறப்படுகிறது. இதனால் அவருடைய சாவில் சந்தேகம் இருப்பதாகவும், இதுகுறித்து விசாரணை நடத்த வேண்டும் எனவும், அவருடைய மனைவி காஞ்சனா வேட்டவலம் போலீஸ்நிலையத்தில் புகார் கொடுத்தார்.
அதன்பேரில் வேட்டவலம் போலீஸ் இன்ஸ்பெக்டர் நிலவழகன் மற்றும் போலீசார் விரைந்து சென்று முருகனின் உடலை கைப்பற்றி பிரேத பரிசோதனைக்காக திருவண்ணாமலை அரசு மருத்துவமனைக்கு அனுப்பி வைத்தனர்.
மேலும் இதுகுறித்து விசாரணை நடத்தி வருகின்றனர்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X