என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
கோரிக்கைகளை வலியுறுத்தி அரசு பாலிடெக்னிக் கல்லூரி மாணவர்கள் சாலை மறியல்
Byமாலை மலர்11 March 2021 2:32 PM GMT (Updated: 11 March 2021 2:32 PM GMT)
பல்வேறு கோரிக்கைகளை வலியுறுத்தி அரசு பாலிடெக்னிக் கல்லூரி மாணவர்கள் சாலை மறியலில் ஈடுபட்டதால் பரபரப்பு ஏற்பட்டது.
கீழப்பழுவூர்:
அரியலூர் அருகே உள்ள கீழப்பழுவூரில் அரசு பாலிடெக்னிக் கல்லூரி உள்ளது. இக்கல்லூரியில் பல்வேறு பகுதிகளை சேர்ந்த 500-க்கும் மேற்பட்ட மாணவ-மாணவிகள் கல்வி பயின்று வருகின்றனர்.
இந்தநிலையில் நேற்று கல்லூரிக்கு வந்த மாணவ-மாணவிகள் திடீரென அரியலூர்-திருச்சி தேசிய நெடுஞ்சாலையில் அமர்ந்து மறியல் போராட்டத்தில் ஈடுபட்டனர்.
இதுகுறித்து அவர்களிடம் கேட்டபோது, கல்லூரி மாணவர்களுக்கான இலவச பஸ் பயண அட்டையை உடனே வழங்க வேண்டும். பழிவாங்கும் வகையில் ஒரு மாணவனை பருவ தேர்வு எழுத அனுமதிக்காத கல்லூரி முதல்வரை உடனே இடமாற்றம் செய்ய வேண்டும். கல்லூரியில் குடிநீர், கழிவறை உள்ளிட்ட அடிப்படை வசதிகளை ஏற்படுத்தி தர வேண்டும். கல்லூரியில் வழங்கப்படும் உணவின் தரத்தை மேம்படுத்த வேண்டும், மடிக்கணினி வழங்காத மாணவர்களுக்கு உடனே வழங்க வேண்டும் ஆகிய கோரிக்கைகளை முன்வைத்து சாலை மறியலில் ஈடுபடுவதாக தெரிவித்தனர். இதுகுறித்து தகவலறிந்த கீழப்பழுவூர் போலீசார் சம்பவ இடத்திற்கு வந்து மாணவர்களிடம் பேச்சுவார்த்தை நடத்தினர்.
உங்களது கோரிக்கைகளை கல்லூரி நிர்வாகத்திடம் தெரிவித்து நடவடிக்கை எடுக்கப்படும் என போலீசார் கூறியதையடுத்து போராட்டத்தை கைவிட்டு மாணவர்கள் கலைந்து சென்றனர்.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X