இணையதளம் மூலம் புதிய வாக்காளர் அடையாள அட்டை பதிவிறக்கம் செய்வதற்கான சிறப்பு முகாம்

திருவண்ணாமலை:

புதிய வாக்காளர் அடையாள அட்டைகளை பெற வாக்காளர்கள் அலைக்கழிப்பதை தடுக்க இணையதளம் மூலமாக பதிவிறக்்கம் செய்து உடனடியாக அவற்றை வழங்க தேர்தல் ஆணையம் நடவடிக்கை எடுத்துள்ளது. அதன்படி திருவண்ணாமலை மாவட்டத்தில் உள்ள அனைத்து வாக்குச்சாவடி மையங்களிலும் வருகிற 13 மற்றும் 14-ம் தேதிகளில் இதற்கான சிறப்பு முகாம் நடக்கிறது.

சமீபத்தில் நடந்த சிறப்பு சுருக்கமுறை திருத்த முகாமின்போது பெயர் சேர்க்க கோரிய புதிய வாக்காளர்கள் தங்களது வாக்காளர் அடையாள அட்டையை சம்பந்தப்பட்ட வாக்குச்சாவடி மையங்களில் இணையதளம் மூலம் பதிவிறக்கம் செய்து பெற்றுக் கொள்ள ஏற்பாடு செய்யப்பட்டுள்ளது. எனவே திருவண்ணாமலை மாவட்டத்திலுள்ள வாக்காளர்கள் இந்த சிறப்பு வசதியை பயன்படுத்திக் கொள்ளும்படி கலெக்டர் சந்தீப் நந்தூரி கேட்டுக்கொண்டுள்ளார்.