மண்ணிவாக்கம் அருகே சாலையோரம் குட்டையில் மூழ்கி வாலிபர் உயிரிழப்பு

வண்டலூர்:

செங்கல்பட்டு மாவட்டம் மண்ணிவாக்கம் அருகே உள்ள வண்டலூர்- மீஞ்சூர் வெளிவட்ட சாலையோரமாக மழைநீர் தேங்கி இருந்த ஒரு குட்டையில் 25 வயது மதிக்கத்தக்க வாலிபர் ஒருவர் தண்ணீரில் மூழ்கிய நிலையில் இறந்து கிடப்பதாக நேற்று முன்தினம் ஓட்டேரி போலீசாருக்கு தகவல் கிடைத்தது.

இறந்த நபர் யார்? எந்த ஊரை சேர்ந்தவர்? எதற்காக இங்கு வந்தார். எப்படி குட்டையில் மூழ்கி இறந்தார் என்பது குறித்து தெரியவில்லை, இதுகுறித்து ஓட்டேரி போலீசார் வழக்குப்பதிவு செய்து விசாரித்து வருகின்றனர்.