என் மலர்
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
செய்திகள்
X
கடலூரில் கொத்தனார் அடித்துக் கொலை - வாலிபர் கைது
Byமாலை மலர்24 Nov 2020 7:40 AM GMT (Updated: 24 Nov 2020 7:40 AM GMT)
கடலூரில் கொத்தனார் அடித்துக் கொலை செய்யப்பட்ட சம்பவம் குறித்து வாலிபரை போலீசார் கைது செய்துள்ளனர்.
கடலூர்:
கடலூர் புதுப்பாளையத்தை சேர்ந்தவர் கிருஷ்ணமூர்த்தி (வயது 48), கொத்தனார். இவர் சம்பவத்தன்று புதுப்பாளையத்தில் உள்ள பொது கழிப்பறை வழியாக மோட்டார் சைக்கிளில் சென்று கொண்டிருந்தார். அப்போது அங்கு அதே பகுதியை சேர்ந்த அஞ்சாபுலி மகன் ராதாகிருஷ்ணன் (19) மற்றும் அவரது நண்பர்கள் 4 பேர் சாலையில் நின்று கொண்டிருந்தனர். இதை பார்த்த கிருஷ்ணமூர்த்தி, சாலையோரம் நிற்குமாறு கூறியதாக தெரிகிறது.இதில் ராதாகிருஷ்ணன் தனது நண்பர்களுடன் சேர்ந்து கிருஷ்ணமூர்த்தியுடன் தகராறில் ஈடுபட்டார். மேலும் அவர் கிருஷ்ணமூர்த்தியை தாக்கியதாக கூறப்படுகிறது. இதில் பலத்த காயமடைந்த அவரை அக்கம் பக்கத்தினர் மீட்டு சிகிச்சைக்காக கடலூர் அரசு மருத்துவமனையில் சேர்த்தனர்.
இதுகுறித்து கிருஷ்ணமூர்த்தியின் மகன் குமரவேல்(28), கடலூர் புதுநகர் போலீஸ் நிலையத்தில் புகார் கொடுத்தார். அதன் பேரில் போலீசார் கொலை முயற்சியின் கீழ் வழக்குப்பதிவு செய்து ராதாகிருஷ்ணனை கைது செய்தனர். இதற்கிடையே கிருஷ்ணமூர்த்தி, மேல்சிகிச்சைக்காக புதுச்சேரி மகாத்மா காந்தி மருத்துவமனையில் அனுமதிக்கப்பட்டார். அங்கு அவருக்கு டாக்டர்கள் தீவிர சிகிச்சை அளித்தும் பலனின்றி கிருஷ்ணமூர்த்தி பரிதாபமாக இறந்தார்.
இதனால் கொலை முயற்சி வழக்கை, போலீசார் கொலை வழக்காக மாற்றி பதிவு செய்து விசாரணை நடத்தி வருகின்றனர். இதற்கிடையே புதுப்பாளையம் பகுதியில் இருதரப்பினரிடையே மோதல் ஏற்படும் சூழல் உருவானதால், அப்பகுதியில் பாதுகாப்புக்காக போலீசார் குவிக்கப்பட்டுள்ளனர். இந்த சம்பவம் அப்பகுதியில் பரபரப்பை ஏற்படுத்தி உள்ளது.
Next Story
×
- உள்ளூர் செய்திகள்சென்னைஅரியலூர்செங்கல்பட்டுகோயம்புத்தூர்கடலூர்தர்மபுரிதிண்டுக்கல்ஈரோடுகாஞ்சிபுரம்கள்ளக்குறிச்சிகன்னியாகுமரிகரூர்கிருஷ்ணகிரிமதுரைமயிலாடுதுறைநாகப்பட்டினம்நாமக்கல்நீலகிரிபெரம்பலூர்புதுக்கோட்டைராமநாதபுரம்ராணிப்பேட்டைசேலம்சிவகங்கைதஞ்சாவூர்தேனிதென்காசிதிருச்சிராப்பள்ளிதிருநெல்வேலிதிருப்பத்தூர்திருவாரூர்தூத்துக்குடிதிருப்பூர்திருவள்ளூர்திருவண்ணாமலைவேலூர்விழுப்புரம்விருதுநகர்
X